Шешендік өнер және оның ұлттық тәрбиедегі маңызы мен қызметі
19 қаңтар күні Тіл жанашыры, журналист Жарқын Сәленұлы және "Ділмар" шешендікті дамыту клубының мүшелерімен "Шешендік өнер және оның ұлттық тәрбиедегі маңызы мен қызметі" тақырыбындағы кездесу өтті. Қазақтың шешендік сөздерін өзге жұрттың атақты адамдары, ғалымдары жоғары бағалады. Шешендік сөздер нұсқаларын академик В.В.Радлов (XIX ғ.) зерттеп жинаған болатын. Ол "Қазақтар... мүдірмей, кідірмей, ерекше екпінмен сөйлейді. Ойын дәл, айқын ұғындырады. Ауыз екі сөйлеп отырғанның өзңнде сөйлеген сөздер ұйқаспен, ырғақпен келетіндігі соншалық, бейне бір өлең екендеп таң қаласын",-деп көрсете отырып, әсіресе қазақ тілінің тазалығы мен табиғилығын дұрыс аңғарып, қазақтардың сөзге тапқырлығы мен шешендігі өзіне ерекше әсер еткенін жазған екен.
